1
Un xogo de 10 cartas numeradas do 1 ó 10 repártense entre 5 amigos.Gaña aquel que reciba a carta marcada co número 10.Repártense as cartas e resulta que:
- A suma das 2 cartas de Manuel é 11.
- A suma das 2 cartas de Alfredo é 7.
- A suma das 2 cartas de Antonio é 17.
- A suma das dúas cartas de Luis é 4.
- A suma das dúas cartas de Felipe é 16.
¿Quen será o gañador do xogo?
É dicir, ¿quen terá a carta marcada co número 10?
O gañador é Felipe.
Xa que, se a suma das cartas de Luis é 4, só se pode formar coa carta 3 máis a carta 1 (3+1=4), entón, a carta tres e a carta unha quedan descartadas
.Luís xa non pode ser. A suma das cartas de Alfredo é 7, e xa que a carta unha e a tres están en posesión de luís, 7, só se pode formar coa carta 5 e a carta 2. (5+2=7).Alfredo queda descartado.
A suma das cartas de Manuel é 11, e xa que as cartas 1,2,3 e 5 están descartadas, só podemos formar 11 con 7 e 4. (7+4=11).Manuel xa non pode ser o gañador.
A suma das cartas de Antonio é 17, e xa que as cartas 1,2,3,4,5 e 7 están en posesión doutros participantes, 17, só se pode formar con 8 e 9. (8+9=17)Antonio non foi o gañador.
E Felipe, que as súas cartas suman 16 é o gañador porque as cartas 1,2,3,4,5,7,8 e 9 están en posesión doutros participantes, e só quedan a carta 6 e a carta 10 (a carta da victoria), e resulta que 6+10 son 16, que era a puntuación de Felipe. Por iso, Felipe é o gañador.
Antón e Marica foron de visita á granxa do seu avó.
O avó amosoulles un curral con porcos e pitas.
Marica dixo ter contado vinteseis animais en total e Antón contou 72 patas.
¿Cantos porcos e cantas pitas tiña o avó na granxa?
Hai 10 porcos e 16 pitas.
2
Hoxe atopei unha tarxeta na rúa que tiña escrito o seguinte:
Entón púxenme a cavilar para tratar de corrixir o erro matemático que contén, pois a suma está mal resolta.
¿Saberías ti decirme cal é o cambio máis pequeno que é preciso facer para que a igualdade sexa correcta?
O cambio máis pequeno que é preciso facer é darlle a volta (co de debaixo cára a arriba) a tarxeta.
É dicir, a tarxeta pon que 86 + 81 = 911, se lle damos a volta, quedaría que 116 = 18 + 98.
Un home reparte certo número de sardiñas entre as súas tres fillas.
Dálle 20 a pequena, 30 a mediana e a maior 40.
As tres rapazas van o mercado e véndenas o mesmo prezo.
Despois de vendelas, as tres irmáns teñen os mesmos cartos.
¿Cómo é posible?
3
María ten un irmán chamado Xosé.
Xosé ten tantos irmáns (homes) coma irmás (mulleres).
María ten o dobre de irmáns (homes) que de irmás (mulleres).
¿Cantos fillos e cantas fillas teñen Anilda e Francisco en total?
Antonio y Armando son dous irmáns xemelgos de aparencia totalmente idéntica.
Están tan unidos que visten igual e levan o mesmo corte de pelo.
Ningún leva gafas, e o único adorno facial é un piercing, que ambos levan na orella dereita. Os piercings son idénticos. Tampouco teñen ningunha cicatriz que os diferencie. Resumindo: a súa aparencia física é idéntica.
Un dia , de camiño par ao instituto, Noemí deuse conta de que uns pasos por diante dela camiñaba un dos dous xemelgos, pero claro, non sabía cal dos dous era.
Entón berroulle: ¡Hola!
O xemelgo dou a volta ó escoitar o saúdo, e Noemí soubo inmediatamente que era Armando.
¿Por qué?
4
Indo para Vilavella
cruceime con sete vellas;
cada vella leva sete sacos,
e en cada saco sete ovellas.
¿Cantas vellas, sacos e ovellas
ían para Vilavella?
No dibuxo de abaixo
¿Cantas tazas habería que poñer en lugar do signo ? para que a balanza quedase en equilibrio
A solución é: 1 taza hai que poñer no lugar do interrogante.
Pero se consideramos que debaixo da taza hai un plato, ten outra solución,xa que, dándolle un valor numérico a cada obxecto obtemos que hay que poñer tres tazas, asi: 1ªBALANZA: XERRA:3 = BOTELLA:3 2ªBALANZA: XERRA:3 = TAZA: ? 3ªBALANZA: 3 PLATOS:6 = 2 BOTELLA:3 (X 2) =6 ENTÓN SE 3 PLATOS EQUIVALEN A 6 1 PLATO EQUIVALE A X 1.6:3=2 UN PLATO VALE DOUS ENTÓN, na segunda balanza, se unha xerra vale 3 e unha taza con 1 plato vale o mesmo , restamos 3 - 2 e nos da 1. A taza vale un, e para iguala-lo interrogante, dividimos 3 : 1, e nos da 3. ESA É A SOLUCIÓN, 3 TAZAS.
(É A SOLUCIÓN CONTANDO O PRATO DE DEBAIXO DA TAZA). (SE NON O CONTAMOS, COMO XA DIXEN ANTES, O ? EQUIVALE A 1 TAZA)
5
Fíxate ben nesta secuencia de números:
0 5 4 2 9 8 6 7 3 1
¿Poderías dicir porque están ordenados deste xeito?
Imaxínate que hai tres interruptores da luz na cociña da túa casa e que soamente un deles é o que encende a luz da bombilla que hai no sótano.
¿Como terás que facer para averiguar cal é o interrutor correcto baixando unha soa vez ó sótano?
6
Un mestre dille ós seus alumnos:
Cinco por catro vinte máis un vintedous.
¿Como é posible?
Cinco por catro vinte máis un vintedous:
5 x 4 , 20 + 1 = 22
21 + 1 = 22
22 = 22
En definitiva: 5 x 4,20 é 21, + 1 da de resultado 22.
Dous amigos que facía moito tempo que non se vían, atópanse na rúa.
-¡Ola!, dille un ó outro. ¿Como che vai?
- Ben.
-¿E cantos fillos tes?
- Pois teño tres fillas.
-¿E que idade teñen?
- Pois mira -díxolle o amigo a quen lle gustaban moito os quebracabezas-
O producto das súas idades é 36 e o resultado da súa suma coincide co número do portal desa casa de enfrente.
O amigo mirou para o portal, quedou cavilando un momento e díxolle:
- Xa, pero así non podo saber as súas idades. Fáltame un dato.
O outro pensa un momento e contéstalle.
- Pois si que tes razón, efectivamente. Bueno, pois a maior das tres toca o piano.
- Agora xa o sei- contestoulle o amigo.
E ti, ¿podesnos dicir as idades das tres fillas?
Hai varias multiplicacións de 3 números que den 36 como producto:
1 x 1 x 36 (A súa suma é 38)
1 x 2 x 18 (A súa suma é 21)
1 x 3 x 12 (A súa suma é 16)
1 x 4 x 9 (A súa suma é 14)
1 x 6 x 6 (A súa suma é 13)
2 x 2 x 9 (A súa suma é 13)
2 x 3 x 6 (A súa suma é 11)
3 x 3 x 4 (A súa suma é 10)
Como hai dúas combinacións de números que sumen 13, (1 x 6 x 6) e (2 x 2 x 9) pódese dicir que 13 é o número da casa de enfrente deles, é 13 porque se fose outro, o amigo tería que ter adiviñado a idade das fillas sen necesidade de ter outro dato. Como xa dixen antes, só poden ser 1 x 6 x 6 e 2 x 2 x 9, agora é cando fai falta o outro dato
"a maior das tres toca o piano", se dí que a maior toca o piano, é que só hai unha primoxénita. Entón descartamos a combinación 1 x 6 x 6 porque nesta combinación hai dúas irmás maiores. Logo a solución é que as fillas teñen 2, 2 e 9 anos.