2008
1
Solucións e respostas recibidas.

Un xogo de 10 cartas numeradas do 1 ó 10 repártense entre 5 amigos.

Gaña aquel que reciba a carta marcada co número 10.

Repártense as cartas e resulta que:

A suma das 2 cartas de Manuel é 11.
A suma das 2 cartas de Alfredo é 7.
A suma das 2 cartas de Antonio é 17.
A suma das dúas cartas de Luis é 4.
A suma das dúas cartas de Felipe é 16.

¿Quen será o gañador do xogo?

É dicir, ¿quen terá a carta marcada co número 10?

Solucións

Respostas recibidas

Resposta correcta: Felipe.

Razonamento:
Empezamos por Luis, que ten que ter as carta 3 e 1 por forza.

Seguimos con Alfredo. Non pode ter as cartas 3 e 4 porque a 3 tena Luis, nin tampouco a 1 e 6, porque tamén ten a 1 Luis. Así que por forza ten que ter as cartas 5 e 2.

Agora pensemos en Manuel. Non pode ter as cartas 1, 2, 3 nin 5. Quedan as cartas 4, 6, 7, 8, 9 e 10. Como as súas teñen que sumar 11, á forza terá as cartas 4 e 7.

Logo quedan as cartas 6, 8, 9 e 10 para Felipe e Antonio.

Antonio ten que sumar 17, polo que por forza terá as cartas 8 e 9

Logo o xogador que ten a carta 10 é Felipe.

Pulsando nos nomes verás a resposta enviada por cada concursante.
Para máis información pulsa nos enlaces seguintes:
Quebra 2008: calendario, quebras propostos, solucións
Almacén: tódalas respostas enviadas ó longo do concurso por tódolos participantes.
Clasificación parcial.

Antón e Marica foron de visita á granxa do seu avó.

O avó amosoulles un curral con porcos e pitas.

Marica dixo ter contado vinteseis animais en total e Antón contou 72 patas.

¿Cantos porcos e cantas pitas tiña o avó na granxa?

Resposta correcta: 10 porcos e 16 pitas.

Razonamento:
Este resólvese por medio dunha simple ecuación. Por exemplo

x=número de porcos
(26-x)= número de pitas.
4x + 2(26-x) = 72

Despexando obtemos a solución.

2008 1 Solucións e respostas recibidas.

2008
1
Solucións e respostas recibidas.